الخميس
07:51 AM

اكسب التجديد

عم بتدوّر على شغلة جديدة تتميّز فيها؟ من الآخر، كون معنا بمختبر Orange اليرموك الإبداعي (OYIL) لتاخد أحلى خبرة وأقوى بداية.

أها.. حلو وشو كمان؟

شوف، مختبر Orange اليرموك الإبداعي تابع لمجمع الريادة الأكاديمية للتميّز، بشراكة جمعت Orange الأردن بجامعة اليرموك عشان يوفّر برامج جديدة ومميّزة لطلاب الجامعة.

وشو الكورسات اللي بيعطيها المختبر؟

بيعطي المختبر مجموعة من الورشات التدريبية، وهي: مهارات المبتدئين، التواصل ومهارات النقاش والإقناع، عشان ياخدوا الطلاب فرص أكتر ومهارات بتلزمهم لما يشتغلوا بالمستقبل.

واو! وكيف بقدر أسجّل؟

بتقدر تسجّل بالمختبر ببداية كل فصل دراسي، بس لازم تبعت سيرتك الذاتية للمسؤول بالمختبر، وإذا كنت من ضمن المرشحين، رح ينعمل معك مقابلة، لو كنت منيح فيها، رح تكون من ضمن المتدربين بالمختبر.

وهاد إيميل المختبر: oyil_yarmouk@hotmail.com

منح دراسية من Orange الأردن

منح دراسية من Orange الأردن بجامعة الأميرة سمية للتكنولوجيا: لتضل الهمة عالية

شو شو؟!

Orange الأردن بتوفّر منح خاصة للطلاب الأردنيين اللي مستواهم متقدم عن طريق دفع رسومهم الدراسية لمدة سنة بجامعة الأميرة سمية للتكنولوجيا.

كل سنة، بتختار لجنة خاصة من الجامعة خمس طلاب ليتأهلوا للمنح، زمان، كانت المنح تغطي الخمس طلاب طول فترة دراستهم، بس هلأ صارت لمدة سنة وحدة بس، عشان يستفيد منها أكبر عدد ممكن من الطلاب.

وليش Orange بتعمل هيك؟

هاد أقل شي ممكن نعمله! بـ Orange الأردن المسؤولية المجتمعية جزء ما بيتجزأ من أولوياتنا، عشان هيك بنهتم إنه نوفر منح دراسية للطلاب لنزوّدهم بكل شي بيحتاجوه لما يشتغلوا بكرا.

رهيب! وكيف بقدر آخد منحة؟

إذا كنت مهتم وعندك كل الشروط المطلوبة، قدّم طلب من خلال قسم القبول والتسجيل بالجامعة.